Publicacións
REMATE DO ANO
- Obter ligazón
- Correo electrónico
- Outras aplicacións
![Imaxe](https://blogger.googleusercontent.com/img/b/R29vZ2xl/AVvXsEgB3U3XdapIzZUn4SIhHN0WXRrnWn8FT-cEI2Urfv0pNAYXPEbnmhxkNMGgWv-zS1DKjxuEOVTQLSmhVNRSs7Dg-8ENHVWFnT4oM4HNxkzv8IAuzzzEYBzRQG2oWRQ8v1z3daxhywGmFnuQUGwQLgmmvZ-wy0Kbv2dY98GNjuYuW4xTB7aG42v9iR6vxtM/w640-h320/IMG_20231222_203154.jpg)
Rematamos este primeiro ano de andaina agradecendo, non podía ser doutro xeito, pois salvamos as dificultades de creación e posta en marcha desta asociación con moitas aportacións de libros estupendos, axudas de persoas socias, colaboracións desinteresadas varias, doazóns a cambio dos libros, anunciantes... Puidemos cumplir un dos obxectivos: doazóns solidarias. Escollemos unha entidade local, Ponte Solidario , e un proxecto lonxano co que compartimos intereses, o Bubisher (Bibliotecas e Bibliobuses para os campamentos de refuxiados do Sahara). Vimos de editar o número 3 da revista Chambo Libris , con aportacións de persoas diversas e próximas. Satisfeitas e satisfeitos, seguiremos con este proxecto o vindeiro ano, con novas ideas, novas persoas que van sumando, actividades, e moita, moita lectura que ofrecer. A nosa porta segue aberta.
CON FINA CASALDERREY
- Obter ligazón
- Correo electrónico
- Outras aplicacións
![Imaxe](https://blogger.googleusercontent.com/img/b/R29vZ2xl/AVvXsEhhhJWnp7oBOI-dt9ateJNdIGgDAzoqj9PD5rMBSujyMhDTMjwIE9eEMK1GwKxgvXTSLgRXB6SCiVP0-aG73_2sH2COoBMsMYFEiVBqW9ewqEb2pvxpIfQBCHyZnj8oT6XpzIw64gWK_9n6ndrr6ZjDKJS6nby_or5kT0yJevj-ZO24gU-BzkFDX0Z5JZo/w400-h276/WhatsApp%20Image%202023-07-28%20at%2021.59.25.jpeg)
Recibimos con moita ilusión a visita de Fina Casalderrey ao noso recuncho. Mestra, prolífica escritora e académica da RAG, para nós é unha grande honra que forme parte das persoas autoras que acollemos na nosa aínda breve andaina. A continuación puidemos gozar da presentación do seu libro A MULLER XABARIL, na sala multiusos do Auditorio Municipal, guiada por Manrique Fernández e acompañada da música que nos ofreceu unha representación de A Unión de Guláns, banda que aparece mencionada na novela. Premendo na imaxe da cuberta podes ler a recensión de Manrique Fernández, que de seguro abrirá a apetencia de ler, como se nos abriu onte aos asistentes a este acto.
TRALAS ORIXES DE COLÓN
- Obter ligazón
- Correo electrónico
- Outras aplicacións
![Imaxe](https://blogger.googleusercontent.com/img/b/R29vZ2xl/AVvXsEhyKG2mz1-XedWR-wrq2r_UknBEN_ESdSOKcPZnYJfo_k8IawkOKB1XVDpibf6uAjmJTbcgfQFCtWoDhZOgG8nxZgU3UJzehv3qYRN8Zt8kvZS4VXlvzisZilH1rnMPsLbGdjBl0jiGm6NEYUinjoh21mZk12c03g_VRfTFfLVD-x2rOg1_uwFhbX1ur5w/s320/Imagen1.png)
Isabel E. Peleteiro presentou os libros que recollen as súas investigacións sobre a orixe galega de Cristóbal Colón. A forte relación coa Galicia emigrada a América, amplamente documentada, máis a colaboración cos avances en bioloxía xenética e arqueoloxía, fan que cada vez esteamos máis preto de descifrar este enigma histórico. Acompañouna Miguel Novoa, ponteareán tamén estudoso desta temática. Unha tarde de moita aprendizaxe e conversa. Moitas grazas!
EVOCAR A TRAVÉS DA MÚSICA
- Obter ligazón
- Correo electrónico
- Outras aplicacións